प्रमोद खरेलले गंगा जमुना ल्याउँदै, फर्स्ट लुक सार्वजनिक

काठमाडौं । गायक प्रमोद खरेलले गंगा जमुना बोलको गीत ल्याउने तयारी गरेका छन् । गायक खरेलले बुधबार गीतको फर्स्ट लुक्स सार्वजनिक गर्दै सो जानकारी गराएका हुन् ।

गंगा जमुनामा राजेन्द्र थापाको शब्द तथा शम्भुजित बास्कोटाको संगीत रहेको छ । अङ्समसले संगीत संयोजन गरेको गीतमा श्यामश्वेत रसाइलीले मिक्सिङ एण्ड मास्टरिङ गरेका छन् ।

गीतको भिडियोमा अभिनेता दिलिप रायामाझी, प्रमोद खरेल, अन्जली अधिकारी, उषा उप्रेति लगायतको अभिनय रहने भएको छ । भिडियोलाई राजिव समरले निर्देशन तथा कोरियोग्राफी गरेका छन् । उनलाई रोशन विःकले सघाएका छन् ।

बुद्ध थापाले छायाँकन गरेको भिडियोलाई मिलन विश्वकर्माले सम्पादन तथा कलरको काम गरेका छन् ।