पाकिस्तानविरुद्ध कडा चुनौती पस्किन्छौं : कप्तान पौडेल

काठमाडौं । नेपाली राष्ट्रिय क्रिकेट टिमका कप्तान रोहित पौडेलले पाकिस्तानविरुद्ध कडा चुनौती पस्किने बताएका छन् ।

एसिया कपको उद्घाटन खेल अघि पत्रकार सम्मेलनमा बोल्दै कप्तान रोहितले प्रतियोगितामा पाकिस्तान र भारतलाई प्रतिस्पर्धात्मक चुनौती पेश गर्ने बताएका हुन् ।

‘एसिया कप नेपालका लागि ठुलो उपलब्धि हो । पाकिस्तान ठुलो टिम हो । तर पाकिस्तानविरुद्धको खेल प्रतिस्पर्धात्मक हुनेछ । हामी लायक छौं, त्यही भएर एसिया कपमा छौं ।’ कप्तान रोहितले भने ।

कप्तान रोहितले एसिया कपका लागि नेपालले राम्रो तयारी गरेको पनि बताएका छन् । उनले एसिया कपसँग नेपालका धेरै अपेक्षा र सपना भएको बताएका छन् ।