पाकिस्तानविरुद्ध नेपालले पहिले बलिङ गर्ने

काठमाडौं । एसिया कप क्रिकेट अन्तर्गतको उद्घाटन खेलमा नेपालले पाकिस्तानको सामना गर्दै छ । पाकिस्तानको मुल्तान क्रिकेट मैदानमा पाकिस्तानले टस जितेर ब्याटिङ गर्ने भएको हाे । पाकिस्तानका कप्तान बाबर आजमले टस जितेर पहिले ब्याटिङ रोजेका हुन् ।

नेपालले आफ्नो क्रिकेट इतिहासमा पहिलो पटक विश्व वरियताको नम्बर एक टोली पाकिस्तानसँग खेल्न लागेको हो । गत अप्रिल–मेमा सम्पन्न एसीसी मेन्स प्रिमियर कप क्रिकेटको उपाधि उचालेर नेपाल एसिया कपमा छनोट भएको हो ।

नेपाली टोली रोहित पौडेलको कप्तानीमा मैदान उत्रेका छन् । पाकिस्तानी टोलीको नेतृत्व भने बाबर आजमले गर्नेछन् ।

छ टोली सहभागी प्रतियोगिताको समूह ‘ए’ मा नेपाल, भारत र पाकिस्तान छन् भने समूह ‘बी’ मा बंगलादेश, श्रीलंका र अफगानिस्तान छन्।