नेपाललाई पहिलो सफलता, करणले लिए विकेट

काठमाडौं । एसिया कप क्रिकेट अन्तर्गतको उद्घाटन खेलमा नेपालले पाकिस्तानको सामना गर्दैछ ।

पाकिस्तानको मुल्तान क्रिकेट मैदानमा जारी खेलमा नेपालले पहिलो सफलता हात पारेको छ ।

नेपालका करण केसीले पाकिस्तानका फखार जमानलाई आउट गरेका हुन् । पाकिस्तानले ५.३ ओभरमा एक विकेट गुमाउदै २१ रन जोडेको छ ।

नेपालले आफ्नो क्रिकेट इतिहासमा पहिलो पटक विश्व वरियताको नम्बर एक टोली पाकिस्तानसँग खेलेको हो । गत अप्रिल–मेमा सम्पन्न एसीसी मेन्स प्रिमियर कप क्रिकेटको उपाधि उचालेर नेपाल एसिया कपमा छनोट भएको हो ।

छ टोली सहभागी प्रतियोगिताको समूह ‘ए’ मा नेपाल, भारत र पाकिस्तान छन् भने समूह ‘बी’ मा बंगलादेश, श्रीलंका र अफगानिस्तान छन्।