एक दिवसीयमा कुशल भुर्तेलकाे एक हजार रन पूरा

काठमाडौं । एक दिवसीय अन्तर्राष्ट्रिय क्रिकेटमा नेपाली ब्याटस्म्यान कुशल भुर्तेलले एक हजार रन पूरा गरेका छन् ।

सोमबार एसिया कपमा भारतविरुद्ध खेल्दै भुर्तेलले एक हजार रन पूरा गरेका हुन् ।

एक दिवसीय क्रिकेटमा भुर्तेल एक हजार रन बनाउने तेस्रो नेपाली खेलाडी हुन् । यसअघि नेपालका कप्तान रोहितकुमार पौडेल र आसिफ शेखले एक हजार रन पूरा गरिसकेका छन् ।

एसियन कप क्रिकेट– २०२३ अन्तर्गत हाल नेपाल र भारत भिडिरहेका छन् । श्रीलंकाको पालेकेले इन्टरनेशल क्रिकेट स्टेडियममा नेपालले टस हारेर पहिले ब्याटिङ गरिरहेको छ ।

नेपालले भारतसँग पहिलो पटक यो उपल्लो स्तरको खेल खेल्न लागेको पहिलो पटक हो । नेपालले यसअघि पहिलो खेलमा पाकिस्तानसँग २ सय ३८ रनले पराजित भएको थियो, सो खेला पाकिस्तानको क्रिकेट मैदानमा भएको थियो ।