वर्षाका कारण रोकिएको नेपाल र भारतबीचको खेल अझै शुरु भएन

काठमाडौं । वर्षाका कारण रोकिएको नेपाल र भारतबीचको खेल अझै शुरु हुन सकेको छैन । श्रीलंकामा जारी एसिया कप क्रिकेटमा नेपाल र भारतबीच खेल भइरहेको समयमा पानी परेपछि रोकिएको खेल अझै शुरु हुन नसकेको हो ।

टस जितेर बलिङ रोजेपछि नेपालले सुरुवाती ब्याटिङ गरेको थियो । जसमार्फत नेपालले भारतलाई २३० रन प्रहार गर्दै २३१ रनको लक्ष्य दिएको थियो ।

दोस्रो चरणमा नेपालले दिएको लक्ष्य पछ्याउँदै भारतले २.१ ओभरमा १७ रन जोडेको छ । त्यसलगत्तै पानी परेपछि खेल रोकिएको हो ।

अब भने वर्षा पनि रोकिएको छ । खेल मैदानमा बिच्छ्याइएको प्लास्टिक पन्छाउने कार्य भइरहेको छ ।