भारत भर्सेस श्रीलंका : यस्तो छ हेड टु हेड

काठमाडौं । एसिया कप २०२३ को उपाधिका लागि आज भारत र श्रीलंकाबीच खेल हुँदैछ ।

फाइनल खेलमा श्रीलंका र भारत दुवैटोली एक अर्कालाई हराएर उपाधी चुम्न चाहान्छन् । एसिया कपमा आठौं पटक भारत र श्रीलंका आमनेसामने भएका छन् ।

एकदिवसीय होस् वा टी–२०, एसिया कपको फाइनलमा भारत र श्रीलंका सात पटक आमनेसामने भएका छन् । जसमध्ये भारतले चार खेल जितेको छ भने तीन फाइनलमा श्रीलंकाले जित निकालेको छ ।

फाइनलमा दुवै टोली आमनेसामने भएको यो आठौं पटक हो । यसअघि सन् १९८८ एसिया कप, १९९०/९१ एसिया कप, १९९५ एसिया कप, १९९७ एसिया कप, २००४ एसिया कप, २००८ एसिया कप, २०१० एसिया कपको फाइनलमा भारत र श्रीलंका आमनेसामने भइसकेका छन् । भारतले सन् १९८८, १९९०/९१, १९९५ र २०१० को उपाधि खेलमा श्रीलंकालाई हराएर च्याम्पियन बनेको थियो । यससँगै श्रीलंकाले सन् १९९७, २००४ र २००८ को एसिया कपको फाइनलमा भारतलाई हराएर च्याम्पियन बनेको थियो ।

१३ वर्षपछि यी दुई टोली फेरि यस प्रतियोगिताको फाइनलमा आमनेसामने भएका छन् ।

भारत र श्रीलंकाको टोली अहिलेसम्म एकदिवसीयमा १६६ पटक आमनेसामने भएका छन् । जसमध्ये भारतले ९७ र श्रीलंकाले ५७ खेल जितेको छ । ११ खेल निर्णायक र एक खेल बराबरीमा रोकिएका थिए । यसपटक कुन टोलीले जित निकाल्छ र विश्वकपअघि आफ्नो तयारीलाई कार्यान्वयन गर्छ त्यो हेर्न खेलको नतिजामा भर पर्नेछ ।

यो पनि पढ्नुहोस् : भारत भर्सेस श्रीलंका : वर्षा बाधक भए के हुन्छ ?