विश्वकप खेल्न पाकिस्तानले गर्यो टोली घोषणा, नसिम साह अटाएनन्

काठमाडाैं । पाकिस्तानले एक दिवसीय विश्वकप क्रिकेटका लागि आफ्नो टोली घोषणा गरेको छ । अक्टोबर ५ बाट सुरु हुने प्रतियोगिताको १३ औं संस्करण नोभेम्बर १९ मा फाइनल खेल खेलेर समापन हुनेछ ।

सोही एक दिवसीय विश्वकपका लागि पाकिस्तानले १५ सदस्यीय टोली घोषणा गरेको हो । पाकिस्तानको टिममा यसपटक युवा स्टार बलर नसिम साह विश्वकप टोलीमा छुटेका छन् । चोटका कारण उनले खेल गुमाउने भएका हुन् । उनको स्थानमा हसन अलिलाई टिममा समावेश गरिएको छ ।

यस पटकको विश्वकपमा १० टोलीको सहभागिता रहनेछ । आयोजक भारतसँगै साविक विजेता इंग्ल्याण्ड, न्यूजिल्याण्ड, अष्ट्रेलिया, पाकिस्तान, श्रीलंका, बंगलादेश, अफगानिस्तान, दक्षिण अफ्रिका र नेदरल्याण्डले खेल्ने तालिका छ ।