नेपाल क्रिकेट संघको अध्यक्षमा चन्द निर्विरोध निर्वाचित

काठमाडौं । नेपाल क्रिकेट संघ(क्यान)को अध्यक्षमा चतुरबहादुर चन्द निर्विरोध निर्वाचित भएका छन् ।

शनिवारको साधारणसभामा अध्यक्षका अर्का उम्मेदवार विनय राज भण्डारीले उम्मेदवारी फिर्ता लिएपछि चन्द निर्विरोध भएका हुन् । चन्दसहित अन्य ३ जना पनि निर्विरोध निर्वाचित भएका छन् ।

उपाध्यक्षमा रोशन कुमार सिंह र कोषाध्यक्ष पदम बहादुर खड्का समेत निर्विरोध निर्वाचित भए ।
क्यान शिर्ष ४ मध्ये ३ पद निर्विरोध भएको हो । सचिव र सदस्यमा निर्वाचन हुने भएको छ । सचिवमा पारस खड्का र प्रशान्त विक्रम मल्लबीचमा निर्वाचन हुनेछ ।