विजय सेथुपतिले खुलाए कृति शेट्टीसँग फिल्म नखेल्नुको कारण

काठमाडौं । दक्षिण भारतिय अभिनेता विजय सेथुपतिदक्षिण फिल्म उद्योगका सबैभन्दा प्रतिभाशाली अभिनेता हुन्। शाहरुख खानको फिल्म ‘जवान’ मा ‘काली गायकवाड’ को भूमिकाबाट उनले दर्शकको मन जितेका छन् । ‘जवान’ को सफलताको बीचमा विजयको पुरानो अन्तर्वार्ता भाइरल भएको थियो, जसमा उनले चर्चित अभिनेत्री कृति शेट्टीसँग काम नगर्नुको कारण खुलाएका थिए ।

विजय सेथुपतिले कृति शेट्टीलाई प्रेमिकाको रूपमा कास्ट गर्न अस्वीकार गरेका थिए । सेथुपतिले शेट्टीलाई छोरीको भूमिकामा हेरेको र छोरीसँग रोमान्स फिल्म बनाउन अस्वीकार गरेको बताएका छन् ।

कृतिले सुपरहिट फिल्म ‘उप्पेना’ बाट फिल्ममा डेब्यु गरेकी थिइन् । उनले नानीको ‘श्याम सिंह रोय’ र नागा चैतन्यको ‘बंगाराज’ मा अभिनय गरेर आफ्नो पहिचान बनाइन्।

आफ्नो एक्सन फिल्म ‘लभम’ को प्रमोशनका क्रममा विजय सेथुपतिले फिल्मका निर्माताले उनलाई कृतिसँग जोड्न चाहेको खुलासा गरेका थिए । तर, विजय आफ्नी छोरीको भूमिका निर्वाह गर्ने अभिनेत्रीसँग जोडी बनाउन सहज नभएको बताएका थिए । उमेरको भिन्नताका कारण विजयले उनलाई छोरी मान्थे ।

एक अन्तर्वार्तामा विजयले भनेका थिए, ‘जब म लभमको सुटिङ गरिरहेको थिएँ, निर्माताहरूले कृति शेट्टीलाई फिल्ममा मुख्य भूमिकाका लागि कास्ट गर्ने योजना बनाएको बताएका थिए, त्यतिबेला ‘उप्पेना’ पनि बनिरहेको थियो । ‘उपेना’ मा मेरी छोरीको भूमिका निभाएकी शेट्टीसँग मैले प्रेमिकाको भूमिका निभाउन अस्वीकार गरें।