इंग्लिस प्रिमियर लिग : उपाधि होडमा रहेको लिभरपुलको सहज जित

एजेन्सी । इंग्लिस प्रिमियर लिग फुटबल प्रतियोगिता अन्तर्गत उपाधि दौडमा रहेको लिभरपुल विजयी भएको छ । 

एन्फिल्डमा आइतवार राति सम्पन्न भएको ३० औँ चरणको खेलमा लिगको दोस्रो स्थानमा रहेको लिभरपुलले १७ औँ स्थानमा रहेको बर्नलेलाई ४-२ गोल अन्तरले पराजित गरेको हो । लिभरपुलको जितमा रोबेर्टो फिर्मिनो र साडियो मानेले समान दुई-दुई गोल गरेका थिए ।

फिर्मिनोले खेलको १९ औँ र ६७ औँ मिनेटमा तथा मानेले खेलको २९ औँ र खेल सकिनै लाग्दा गोल गरेका थिए ।

यता बर्नलेका लागि खेलको छैंटो मिनेटमा वेस्टउड र इन्ज्युरी समयमा बेर्ग गुडमुन्डसनले एक-एक गोल गरे । यो जितपछि लिभरपुलले लिगको शिर्ष स्थानमा रहेको म्यान्चेस्टर सिटीसँगको दुरी एक अंकका झारेको छ ।

लिभरपुलको ७३ अंक छ भने सिटीको ७४ अंक छ ।