हाजार्डले गरे फुटबलबाट सन्यासको घोषणा

काठमाडौं । इडेन हाजार्डले ३२ वर्षको उमेरमा व्यावसायिक फुटबलबाट सन्यासको घोषणा गरेका छन् ।

हाजार्डले आफ्नो १६ वर्षको करियरमा प्रिमियर लिग , युरोपा लिग र ला लिगा जितेका छन् । हाजार्डले आफ्नो सामाजिक सञ्जाल इन्स्टाग्राममा लेख्दै सन्यासको घोषणा गरेका बताएका हुन् ।

‘मैले मेरो सपना साकार पार्न सक्षम भएँ, मैले विश्वका धेरै पिचहरूमा खेलेको र रमाइलो गरेको छु। मेरो करियरको दौरान म उत्कृष्ट प्रबन्धकहरू, प्रशिक्षकहरू र टोलीका साथीहरूलाई भेट्न पाउँदा भाग्यशाली थिएँ । यी उत्कृष्ट समयहरूको लागि सबैलाई धन्यवाद, म तपाईंहरू सबैलाई मिस गर्नेछु।’ उनले लेखेका छन् ।