साउदी अरबलाई ३०१ रनले पराजित गर्दै नेपाल सेमिफाइनलमा

काठमाडौं । मलेसियामा जारी एसीसी यू-१९ प्रिमियर कपमा नेपालले साउदी अरबलाई पराजित गर्दै सेमफिाइनलमा स्थान बनाएको छ । नेपालले साउदी अरबलाई ३०१ रनको फराकिलो अन्तरले पराजित गरेको हो ।

नेपालले दिएको ३४८ रनको विशाल लक्ष्य पछ्याएको साउदी अरब १९.१ ओभरमा ४६ रन बनाएर अलआउट भएको थियो ।

अब नेपालले सेमिफाइनलमा समूह डीको विजेतासँग खेल्नुपर्नेछ । साउदीलाई सस्तैमा समेट्ने क्रममा नेपालका दिपेश कंडेलले ६, आकाश चन्दले २ र शुवास भण्डारीले एक विकेट लिए ।