काठमाडौं । आइसीसी टी–२० विश्वकप अन्तर्गत एसिया छनोटको सेमिफाइनलमा यूएईले नेपालसँग टस जितेर पहिले ब्याटिङ रोजेको छ ।
बिहान ११ बजेबाट शुरु हुने खेलमा नेपालले सेमिफाइनलका लागि यूएईसँग प्रतिष्पर्धा गर्न लागेको हो ।
घाइते भएका दिपेन्द्रसिंह ऐरी यसअघिका विभिन्न खेलहरु गुमाए पनि आजको खेलमा भने फर्किएका छन् । घाइते भएका कारण ऐरीले समूह चरणमा मलेसिया, ओमान र सिंगापुरको खेल भने खेल्न सकेका थिएनन् ।
यो खेलको विजेता सन् २०२४ मा अमेरिका र वेस्ट इन्डिजमा हुने टी–२० विश्वकपमा छनोट हुनेछ ।
नेपाललाई १० वर्षपछि टी–२० विश्वकपमा छनोट हुने अवसर रहेका कारण नेपालका लागि यो खेल महत्वपूर्ण मानिएको छ ।
यूएईसँगको खेल केही बेरमा मुलपानी क्रिकेट मैदानमा शुरु हुँदैछ ।
यो खबर पढेर तपाईलाई कस्तो महसुस भयो ?
प्रतिक्रिया