ओमानले गुमायो तेस्रो विकेट

काठमाडौं । आईसीसी टी–२० विश्वकप छनोटको फाइनल खेलमा नेपाल र ओमान भिड्दै छन् ।

कीर्तिपुरस्थित टियू क्रिकेट मैदानमा जारी खेलमा नेपालले दिएको १ सय ८५ रनको लक्ष्य पच्छ्याएको ओमानको तेस्रो विकेट पतन भएको हो ।

नेपालका बलर बिवेक यादवले ओमानको तेस्रो विकेट लिएका हुन् । ओमानले १५.१ ओभरमा ३ विकेट गुमाउदै १३६ रन जोडेको छ ।

फाइनलमा पुगेका दुवै टोली विश्वकपका लागि छनोट भइसकेका छन् । नेपालले सेमिफाइनलमा यूएईलाई ८ विकेटले पराजित गर्दै विश्वकपमा आफ्नो स्थान पक्का गरेको हो भने ओमानले बहराइनलाई १० विकेटले हराएको थियो ।