प्यालेस्टाइनको समर्थनमा लण्डनमा प्रदर्शन : चार प्रहरी घाइते, २९ जना पक्राउ

काठमाडौं । बेलायतमा प्यालेस्टाइनको समर्थनमा ठूलो संख्यामा स्थानीय जनता सडकमा उत्रिएका छन् । आन्दोलनका क्रममा चार प्रहरी घाइते भएका छन् । लण्डनको मेट्रोपोलिटन पुलिसले हिंसा र कानून उल्लंघन गरेको आरोपमा २९ प्रदर्शनकारीलाई पक्राउ गरेको छ ।

प्यालेस्टिनी समर्थक प्रदर्शनकारीहरूले मध्य लण्डनमा भीडमा आतिशबाजी गरेका थिए। मिडिया रिपोर्टहरूका अनुसार प्यालेस्टिनी ऐक्यबद्धता अभियानको एक भागको रूपमा शनिबार ट्राफलगर स्क्वायरमा झण्डै ३० हजार प्रदर्शनकारीहरू भेला भएका थिए। प्रदर्शनकारीहरूको एक समूहले अक्सफोर्ड स्ट्रिटमा धर्ना दिएर यातायात अवरुद्ध पनि गरेको थियो।