गरिमा बैंकले जित्यो कामना सेवा फुटसल कप सिजन-३ को उपाधी

काठमाडौं । कामना सेवा विकास बैंकले आफ्नो वार्षिकोत्सवको अवसरमा आयोजित तेस्रो अन्तर बैंक तथा वित्तीय संस्था स्तरिय फुटसल कप प्रतियोगिता २०८० को उपाधी गरिमा विकास बैंकले जितेको छ ।

पुरुष तर्फको खेलको फाइनल खेलमा गरिमा विकास बैंकले माछापुच्छ्रे बैंकलाई २–१ ले हराउदै उपाधी जितेको हो । उपाधी जित्ने क्रममा गरिमा विकास बैंकले सेमिफाईनल खेलमा प्रभु बैंक लिमिटेडलाई पेनाल्टी सुटआउटमा ३–१ र फाईनल खेलमा बलियो प्रतिद्वन्द्वी माछापुच्छ्रे बैंक लिमिटेडलाई २–१ गोल अन्तरले पराजित गरेको थियो । प्रतियोगितामा पुरुष तर्फ १२ वटा बैंक तथा वित्तीय संस्थाको सहभागिता रहेको थियो ।

विजेता तथा उपविजेता टिमलाई कामना सेवा बैंकको तर्फवाट ट्रफि, मेडल, प्रमाण पत्र पुरस्कार प्रदान गरिएको थियो । प्रतियोगिता भर उत्कृष्ट प्रर्दशन गरेको गरिमा विकास बैंकका खेलाडि सौगात दिप सिंह उत्कृष्ट गोलकिपर र विशाल बानिँया उत्कृष्ट खेलाडि घोषित भएका थिए ।