सुनको मूल्यले बनायो नयाँ रेकर्ड

काठमाडौं ।आइतबार (आज) सुनको मूल्यले नयाँ रेकर्ड कायम गरेको छ । नेपाल सुनचाँदी व्यवसायी महासंघले आजको सुनको मूल्य तोलामा १ लाख २० हजार ८०० रुपैयाँ कायम भएको जनाएको छ ।

गत साताको तुलनामा ८०० रुपैयाँले बढे्र नयाँ रेकर्ड कायम राखेको महासंघले जनाएको हो ।

शुक्रबार छापावाल सुनको मूल्य तोलाम १ लाख १९ हजार रुपैयाँ र तेजाबी सुनको मूल्य तोलामा १लाख १८ हजार ४५० रुपैयाँ कायम थियो । आज तेजाबी सुनको मूल्य १ लाख २० हजार २०० रुपैयाँ कायम  भएको छ ।

यस्तै, आज चाँदीको कारोबार मूल्य तोलामा १५ सय ४५ रुपैयाँ कायम भएको छ । यो गत शुक्रबारको तुलनामा ५ रुपैयाँले बढेको हो । शुक्रबार चाँदीको कारोबार मूल्य तोलामा १५ सय ४० रुपैयाँ कायम थियो ।