यू-१९ एसिया कप : नेपाल र अफगानिस्तान भिड्दै

काठमाडौं । युएईमा जारी एसीसी यू-१९ एसिया कपमा आज नेपालले अफगानिस्तानको सामना गर्दैछ । नेपाल र अफगानिस्तानबीचको खेल दुबईस्थित आईसीसी एकेडेमी ओभल-२ मैदानमा बिहान सवा ११ बजे सुरु हुनेछ ।

समूह एको पहिलो खेलमा पराजित भएका दुवै टोली आज पहिलो जित निकाल्ने लक्ष्यमा मैदान उत्रनेछन् । पहिलो खेलमा नेपाल पाकिस्तानसँग पराजित भएको थियो । त्यस्तै, अफगानिस्तान पनि भारतसँग पराजित भएको थियो ।

समूह ए अन्तर्गत आजै अर्को खेलमा भारत र पाकिस्तानबीच प्रतिस्पर्धा हुनेछ ।