भृकुटीमण्डपमा चैत २८ गतेदेखि मिडिया एक्स्पो

काठमाडौं– राजधानीको भृकुटीमण्डपमा ‘मिडिया, कम्युनिकेसन र एडभटाइजिङ एक्स्पो’ आयोजना गरिने भएको छ ।
एकाडेमी अफ मिडिया एण्ड इभेन्ट म्यानेज्मेन्टले यही चैत्र २८ देखि ३० गतेसम्म एक्स्पो आयोजना गर्न लागेको हो ।

आइतबार आयोजित पत्रकार सम्मेलनमा आयोजक कम्पनीका कार्यकारी निर्देशक डम्बर शाहूले मिडिया र यससँग सम्वन्धित् उद्योगहरुको विकासका लागि पहिलो पटक यस किसिमको मेला गर्न लागिएको बताए ।

 सम्मेलनमा ४५ भन्दा बढी मिडिया बिज्ञ, सरोकारवाला र मिडिया लगानीकर्ताले कार्यपत्रहरु प्रस्तुत गर्ने जनाइएको छ ।

 सम्मेलनमा देश तथा विदेशबाट चार सय ५० भन्दा बढी सहभागी हुने बताइएको छ ।