सलमानको ५८औँ जन्मदिन सेलिब्रेसन गर्दै बबि लेख्छन्- ‘मामु आई लभ यू’

काठमाडौं । बलिउड अभिनेता सलमान खान ५८औँ बसन्तमा प्रवेश गरेका छन् । सलमानले मध्यरातमा आफ्नो परिवार र चलचित्र कर्मीहरुलाई जन्मदिनको पार्टी दिएका छन् ।

सलमानकै जन्मदिनको दिनमा उनकी भान्जी आयतको पनि जन्मदिन पर्ने गरेको छ उनले भान्जी आयतसँग केक काटिरहेको पार्टीको भिडियो यतीबेला सामाजिक सञ्जालमा भाइरल भएको छ भने उक्त भिडियोलाई सलमानका फ्यानहरुले एकदमै मन पराइरहेका छन् ।

पार्टीमा अरबाज खान बाहेक अरहान खान, हेलेन, अल्विरा खान अग्निहोत्री, आयुष शर्मा, अर्पिता खान शर्मा, युलिया वन्तुर, पार्टी गोअर बबी देओल लगायत उपस्थित थिए ।

एनिमल स्टार बबि देओलले आफ्नो इन्ट्राग्राममा पार्टीमा खिचिएको सलमान खानसँगको फोटो पोष्ट गरेका छन् । बबि देओलले सलामानको गालामा चुम्बन गरेको फोटो पोष्ट गर्दै ‘मामु आई लभ यू’ भनेर क्यापसन लेखेका छन् । यो पोष्टलाई पनि फ्यानहरुले एकदमै मन पराइरहेका छन् ।

यो वर्षको जन्मदिनमा सलमान खानले फ्यानहरुको लागि खास घोषणा गरेर विशेष बनाउने भएका छन् ।

सामाजिक सञ्जालमा फ्यानहरुले मात्रै नभइ सेलीब्रेटीहरुले पनि उनलाई जन्मदिनको बधाई तथा शुभकामना दिइरहेका छन् ।

फिलिम इन्डस्ट्रीमा लगातार तीन दशदेखि सक्रिय सलमान खानले आफ्नो करियरमा थुप्रै ब्लकबस्टर फिल्महरु दिएका छन् । केही समय अगाडी रिलिज भएको सलमान र क्याटरिना अभिनित चलचित्र टाइगर ३ ले पनि राम्रै चर्चा बटुल्न सफल भएको थियो । यो चलचित्रले बक्स अफिसमा राम्रो कमाई गरेको थियो ।