यू १९ विश्वकप छनोट : नेपाल यूएईसँग पराजित

काठमाडौं । आईसीसी यू १९ विश्वकप क्रिकेट अन्तर्गत एसिया छनोट प्रतियोगिताको आज भएको दोस्रो खेलमा नेपाल एक रनले पराजित भएको छ । 

पानीले बिथोलेको खेलमा नेपाल यूएईसँग डीएल मेथडका आधारमा मात्र एक रनले पराजित भएको हो । 

नेपालले हरि चौहान र भीम सार्कीको अर्धशतकको मदतमा ५० ओभरमा सबै विकेट गुमाएर २ सय ७ रन बनाएको थियो । 

जवाफमा मैदान उत्रिएको यूएईले ३० ओभरमा ३ विकेटको क्षतिमा १ सय २२ रन बनाउँदा पानीले खेल रोकियो ।

२२ रन जोड्दा पहिलो विकेट गुमाएको नेपालले १ सय १५ रन जोड्दा ५ विकेट गुमाइसकेको थियो ।

हरि र भीमले छैटौं विकेटका लागि ९२ रनको साझेदारी गर्दै पारी सम्हालेका थिए । रित गौतमले ४४ रन जोडे ।