विवाह बन्धनमा बाँधिए गायक सनम पुरी

काठमाडौं । चर्चित गीत ‘इश्क बुलावा’ का गायक सनम पुरी विवाह बन्धनमा बाँधिएका छन् ।

सनमले नागाल्याण्डमा आफ्नी प्रेमिका जुचोबेनी टुङ्गोसँग विवाह गरेका हुन् । भारतीय सञ्चारमाध्यमका अनुसार उनीहरुको विवाह पूरै क्रिश्चियन रितिरिवाजसँग ११ जनवरी बिहीबारका दिन सम्पन्न भएको थियो । ३१ वर्षका सनमले आफु भन्दा ६ वर्ष कान्छी प्रेमीकासँग परिवारका सदस्यहरु र आफन्तहरुको उपस्थितिमा विवाह गरेका हुन् ।

सनम पुरीले फ्यान पेजबाट आफ्नो विवाहको तस्बिर भिडियो सेयर गरेका छन् । यतिबेला गायक सनम पुरीको विवाहको भिडियो सामाजिक सञ्जालमा भाइरल भइरहेको छ । सनमलाई उनका फ्यानहरुले बधाई तथा शुभकामना पनि दिइरहेका छन् । भिडियोमा उनीहरुको विवाह क्रिश्चियन रीतिरिवाज भएको देखिन्छ ।

भिडियोमा सनमले ब्ल्याक सूट र जुचोबेनीले सेतो गाउन लगाएको देखिएका छन् । एक अर्कोको हात समाएर उभिएका उनीहरु निकै राम्रा देखिएका थिए । विवाहको कार्यक्रममा सनमका भाई पनि उनीहरुसँगै स्टेजमा उभिएको देखिएका छन् । चर्चका पादरी उनीहरुलाई विवाहको बचन दोहो¥याइरहेको देखिन्छ ।

गायक सनम पुरीकी पत्नी जुचोबेनी पनि गायक हुन् । उनी गायकासँगै मोडलिङ पनि गर्छिन् । रिपोर्टका अनुसार लामो समयको डेट पछि उनीहरुले आफ्नो सम्बन्धलाई विवाहमा परिणत गरेका हुन् ।