अमिर खानकी छोरीको रिसेप्शन पार्टीमा धर्मेन्द्रको पोज

काठमाडौं । बलिउडका चर्चित अभिनेता अमिर खानकी छोरी आयरा खानले विवाह गरेकी छिन् ।

१० जनवरीका दिन भारतको उदयपुरमा आयरा खानले नूपुर शिकरेसँग विवाह गरेकी हुन् । गत शनिबार बुम्बाइको एनएमएसीसीमा यी नयाँ विवाहित जोडीले आफ्नो रिसेप्शन पार्टीको आयोजना गरेका थिए । जसमा साउथ र बलिउड दुवै चलचित्र क्षेत्रका थुप्रै चर्चित अभिनेताहरुको उपस्थिति थियो ।

आयरा पार्टीमा रातो पहिरनमा सजिएकी थिइन् भने नूपुर पनि कालो शेरवानी लगाएका थिए । दुवै पार्टीमा निकै राम्रा देखिएका थिए ।

साउथका अभिनेता कमल हसन भने रिसेप्शनमा सहभागी हुन सकेका थिएनन् तर उनको प्रतिनिधित्वको गर्दै उनकी छोरी श्रुति र अक्षरा पार्टीमा सहभागी भएका थिए । यही रिसेप्शन पार्टीको एउटा भिडियो सामाजिक सञ्जालमा निकै भाइरल भइरहेको छ ।

जसमा अभिनेता धमेन्द्रले फोटो बम गरेको देखेर श्रुति र अक्षरा हास्दै गरेका देखिन्छन् ।

भाइरल भिडियोमा श्रुति र अक्षरा ब्ल्याक आउटफिट लगाएर पोज दिँदै गरेका थिए । सोही समय र सोही स्थानमा अचानक घर्मेन्द्रले उभिएर पोज दिन थाल्छन् । त्यस्तो दृश्य देखेर अभिनेत्रीहरु हास्ँदै अलि उता सर्छन् ।