सुटिङमा गण्डकी प्रदेशले जित्यो दुई स्वर्ण पदक

बाँके । जारी आठौँ राष्ट्रिय खेलकुद प्रतियोगिता अन्तर्गत नेपालगन्ज रंगशालामा जारी सुटिङ प्रतियोगितामा गण्डकी प्रदेशले दुई, प्रदेश ५ र नेपाल प्रहरीले एक–एक स्वर्ण पदक जितेका छन् ।

गण्डकी प्रदेशले एयर पेस्तोल महिला व्यक्तिगततर्फ र एयर पेस्तल व्यक्तिगत पुरुषतर्फ स्वर्ण पदक जित्यो । 
प्र

देश ५ ले एयर पिस्तोल समूह र नेपाल प्रहरीले एयर राइफल समूहतर्फ स्वर्ण पदक हात पारे । सुटिङ्गतर्फ एयर राइफल व्यक्तिगत महिला/पुरुष बाहेक अन्य खेल सकिएको छ । एयर राइफल व्यक्तिगत महिला÷पुरुष तर्फको फाइनल खेल मंगलबार विहान १० बजे हुने भएको छ । फाइनलका लागि महिला÷पुरुषका ८÷८ खेलाडी क्वालिफाइड भएका छन् ।

प्रतियोगिताको एयर पेस्तोल समूहतर्फ प्रदेश ५ ले स्वर्ण पदक हात पारेको छ । एयर पेस्तोल समूह तर्फ प्रदेश ५ का कृष्णा थापा र बदरुद्दिन अन्सारीको समूहले ७२१ अंक हासिल गर्दै स्वर्ण पदक हात पारे । एयर पेस्तोल समूहतर्फ गण्डकी प्रदेशले रजत हात पा-यो । 

गण्डकी प्रदेशका केवि पुन र श्रेया केसीको समूह ७ सय १९ अंक सहित दोस्रो र ७ सय ४ अंक सहित नेपाल प्रहरी तेस्रो भयो । 

एयर पेस्तोल महिला व्यक्तिगततर्फ गण्डकी प्रदेशले स्वर्ण पदक जितेको छ । गण्डकी प्रदेशकी श्रेया केसीले ५५१ अंक प्राप्त गर्दै प्रथम भइन् । प्रतियोगितामा दोस्रो स्थानमा प्रदेश ५ की कृष्णा थापा भइन् ।

उनले ५ सय ३६ अंक प्राप्त गर्दै रजत पदक हात पारिन् भने ५ सय ३० अंक सहित तेस्रो हुँदै नेपाली प्रहरीकी सीमा तुलाधरले काँस्य पदक हात पारिन् ।

एयर पेस्तोल पुरुष व्यक्तिगततर्फ गण्डकी प्रदेशले स्वर्ण पदक जितेको छ । गण्डकी प्रदेशका विजय कार्की ५ सय ५६ अंक सहित प्रथम भए । खेलमा नेपाल प्रहरीका सुकदेव चौधरी ५ सय ४६ अंक सहित दोस्रो हुँदै रजत र नेपाली सेनाका कुँवेर केसी ५ सय ४६ अंक सहित तेस्रो हुँदै कास्य पदक हात पारे ।

प्रहरीका चौधरी र सेनाका केसीको समान अंक भएपछि सबैभन्दा बढी फुल अंक प्राप्त गर्ने चौधरीलाई दोस्रो घोषणा गरियो ।  

एयर राइफल पुरुष समूहतर्फ नेपाल प्रहरीको ‘ए’ टोलीले स्वर्ण पदक हात पारेको छ । प्रहरीको फुलमाया क्याप्छाकी र हरिबहादुर थापाको टोली ७ सय ४५ अंक प्राप्त गर्दै प्रथम भएको हो । प्रतियोगितामा दोस्रो र तेस्रो स्थान नेपाली सेनाले हात पा-यो ।

नेपाली सेनाको ‘बी’ टिमका मिरा बन्जारा र सुसे चौधरीले ७ सय ४१ अंक प्राप्त गर्दै रजत र आर्मीको ‘ए’ टिमका कल्पना परियार र सुजन रानामगरले ७ सय ३६ अंक हासिल गर्दै कास्य पदक जिते ।

थापाका अनुसार, एयर राइफल पुरुष तर्फ फाइनल खेलका लागि नेपाली सेनाका सुसे चौधरी, गण्डकी प्रदेशका धन बहादुर विक, नेपाल प्रहरीका हरिबहादुर थापा, गण्डकी प्रदेशका मिलन गुरुङ्ग, नेपाली सेनाका सुजन राना मगर, प्रदेश ५ का अर्नभ घिमिरे र रामु क्षेत्री, प्रदेश ३ का दिपक थापा क्वालिफाइड भएका छन् ।

एयर राईफल महिला व्यक्तिगततर्फको फाइनल खेलका लागि प्रहरीकी सुस्मिता नेपाल, नेपाली प्रहरीकी अस्मिता राई र फुलमाया क्याप्छाकी, नेपाली सेनाका कल्पना परियार र सीमा वन्जारा, प्रदेश २ की निशा लामा, प्रदेश ५ का सपना नेपाली र बसन्ती केसी क्यालिफाइड भएका छन् ।