‘पुष्पा २’ मा अल्लु अर्जुनको नयाँ अवतार

काठमाडौं । अल्लु अर्जुन अभिनित फिल्म ‘पुष्पा २ द रुल’का दर्शकहरुका लागि ठूलो खुसीको खबर आएको छ ।

‘पुष्पा २ द रुल’ सन् २०२१ मा रिलिज भएको ‘पुष्पा द राइज’ को सिक्वेल हो । अल्लु अर्जुन र रश्मिका मण्डनाको मुख्य भूमिका रहेको यो चलचित्रको घोषणा भएदेखि नै यो चलचित्रलाई लिएर दर्शकमा ठूलो उत्साह छाएको छ ।

पछिल्ला केही दिनदेखि फिल्मको रिलिज मिति सारिएको बारे धेरै समाचारहरु आइरहेका छन् तर ती खबरहरुका बीच अब अल्लु अर्जुनका फ्यानहरुलाई निकै खुसी बनाउने खबर आएको छ ।

पहिलो पटक विदेशी भाषा बोल्दै अल्लु

‘पुष्पा २ द रुल’ मा अल्लु अर्जुन र रश्मिका मण्डना पनि मुख्य भूमिकामा देखिनेछन् । यो फिल्म पनि अघिल्लो फिल्म जस्तै धमाकेदार बन्ने दर्शकको अपेक्षा छ । मिडिया रिपोर्टको अनुसार अल्लु अर्जुन यस फिल्ममा निकै खतरनाक एक्सनमा देखिनेछन् । फिल्मको एक दृश्यमा उनी जापानी समुद्री डाकूसँग लडिरहेको हुनेछन् । यति मात्र होइन, तस्करसँगको लडाइमा अल्लु जापानी भाषामा कुरा गरेका देखिन्छन् । अल्लुले आफ्नो कुनै पनि फिल्ममा पहिलो पटक विदेशी भाषा बोल्नेछन् ।

‘पुष्पा २ द रुल’ विवादको छायाँमा

अल्लु अर्जुन अभिनित बहुचर्चित फिल्म ‘पुष्पा २ द रुल’ को छायांकनमा निकै बाधा परेको छ । फिल्ममा अल्लु अर्जुनका सहकलाकार जगदीशलाई प्रहरीले हालै पक्राउ गरेको छ । अभिनेता जगदीशमाथि जुनियर कलाकारलाई आत्महत्या गर्न उक्साएको आरोप लागेको थियो ।फिल्ममा जगदीश अल्लुको साथीको भूमिकामा देखिनेछन् ।

‘पुष्पा २ द रुल’को रिलिज मिति

यसअघि ‘पुष्पा २ द रुल’ १५ अगस्ट २०२४ मा रिलिज हुने भनिएको थियो तर मिडिया रिपोर्टका अनुसार यो फिल्मको रिलिज मिति सारिएको छ । अब अल्लु अर्जुनको यो धमाकेदार फिल्मको लागि दर्शकले कति दिन कुर्नु पर्ने हो त्यो भने हेर्न बाँकी छ ।