गीतकार कट्टेलको ‘बुद्ध तिम्रो देशमा’ सार्वजनिक (भिडियोसहित)

काठमाडौं । साहित्यकार तथा गीतकार डा. शम्भु जमरकट्टेल ‘हेदाङ्ने’ को राष्ट्रिय भावको गीत ‘बुद्ध तिम्रो देशमा’को म्युजिक भिडियो सार्वजनिक भएको छ ।

सशी कुन्ज नामक युट्युबबाट सार्वजनिक भएको उक्त रचनाले दर्शकको सकारात्मक प्रतिक्रिया पाइरहेको छ ।

उक्त गीतमा गायक स्वरूपराज आचार्य तथा गायिका प्रेक्षा गौतमको स्वर रहेको छ । भने गीतलाई गायिका गौतमले नै संगीतवद्ध गरेकी छिन् । अमूल कार्की गीतमा संगीत संयोजक हुन् ।

गीतको म्यूजिक भिडियोलाई कृष्णदेव रुपाखेतीले निर्देशन गरेका छन् । भिडियोमा दिक्पाल कार्की तथा दीपिका थापा मुख्य भूमिकामा छन् । मुकेश हुमागाईको छायांकन, विनोद बमको सम्पादन रहेको भिडियोमा राहुल बराईलीको कोरियोग्राफी छ ।

कट्टेलको यसअघि पनि दैलोमाथि तिम्रो तस्बिर, कसैलाई यो जिन्दगी, गोकुल घुम्न जाम लगायतका रचनाहरु बजारमा आइसकेका छन् ।