अवैध लागुऔषध खैरो हेरोइनसहित दुईजना पक्राउ

सुनसरी ।  अवैध लागुऔषध खैरो हेरोइनसहित दुई जनालाई प्रहरीले   पक्राउ गरेको छ ।

धरान उपमहानगरपालिका-७ शुक्रपथस्थित तिनजुरे होटलबाट अवैध लागुऔषध खैरो हेरोइन करिब ८ ग्राम ९४ मिलिग्राम र नगद १६ हजार रुपैयाँसहित २ जनालाई आइतबार दिउँसो प्रहरीले पक्राउ गरेको हो ।

पक्राउ पर्नेहरूमा धरान उपमहानगरपालिका-१५ बगरकोट घर भएकी तिनजुरे होटलकी संचालक ४० वर्षीया कविता भुजेल र सोही होटलमा बस्ने तेह्रथुम म्याङलुङ नगरपालिका-७ जिरिखिम्ति घर भएका ३७ वर्षीय मौसम खड्का रहेका छन् ।

प्रादेशिक अनुसन्धान समूहबाट खटिएको प्रहरीले उनीहरूलाई उक्त लागुऔषधसहित पक्राउ गरेको हो ।  यस सम्बन्धमा  आवश्यक अनुसन्धान गरिरहेको प्रहरीले छ ।