काठमाडौं । बलिउड अभिनेत्री करिश्मा कपूरले चलचित्र ‘मर्डर मुबारक’ मार्फत कमब्याक गर्दैछिन् । सस्पेन्स, कमेडी र रोमान्सले भरिएको यो फिल्म १५ मार्चमा नेटफ्लिक्समा रिलिज हुँदैछ ।
आज नेटफ्लिक्सले एक भिडियो सेयर गर्दै ‘मर्डर मुबारक’ घोषणा गरेको हो। निर्देशक होमी अदजानियाले निर्देशन रहेको र म्याडक फिल्म्सले निर्माण गरेको यो चलचित्रलाई हेर्न दर्शकहरुले आतुरताका साथ प्रतिक्षा गरीरहेका छन् । यो चलचित्र ओटीटी प्लेटफर्ममा जारी हुनेछ।
‘मर्डर मुबारक’ अनुजा चौहानको पुस्तक क्लब यू टु डेथको स्क्रिन रूपान्तरण हो।
निर्माताले आज गरेको यो भिडियो निकै रोचक देखिन्छ। यसमा करिश्मा कपूरसँगै सारा अली खान, विजय वर्मा, डिम्पल कपाडिया, सञ्जय कपूर, टिस्का चोपडा र सुहेल नय्यर जस्ता कलाकारहरू देखिनेछन्।
यी सबै कलाकारहरूले कुशलतापूर्वक फिल्ममा आफ्ना पात्रहरूको भित्री मनसाय लुकाउँछन्। साथै यस फिल्ममा पंकज त्रिपाठी पनि महत्वपूर्ण भूमिकामा देखिनेछन् । फिल्ममा उनी गैरपरम्परागत प्रहरीको भूमिकामा देखिनेछन् ।
यो खबर पढेर तपाईलाई कस्तो महसुस भयो ?
प्रतिक्रिया