४८ वर्ष लागे अभिषेक बच्चन, अमिताभले दिए यस्तो शुभकामना

काठमाडौं । आजबाट बलिउडका चर्चित अभिनेता अभिषेक बच्चनले आज ४८औँ वर्षमा प्रवेश गरेका छन् ।

५ फेब्रअरी १९७६ मा जन्मिएका अभिनेता अभिषेकले आज आफ्नो जन्मदिन मनाइरहेका छन् । उनका फ्यानहरुले उनको जन्मदिनका अवसरमा शुभकामना व्यक्त गरिरहेका छन् ।

त्यस्तै बलिउडका सुपरस्टार समेत रहेका उनका पीता अमिताभ बच्चनले अभिषेकको जन्मदिनका अवसरमा उनको आगामी फिल्मको प्रगतीको कामनासहित शुभकामना व्यक्त गरेका छन् ।

अभिषेकलाई जन्मदिनको शुभकामना दिँदै अमिताभले सबै भन्दा पहिले उनको नयाँ चलचित्र ‘घूमर’ को लागि बधाई दिएका छन् । चलचित्रको फोटो सेयर गर्दै अमिताभले उत्कृष्ट अभिनेता भनेका छन् ।

उनले एक पोस्ट सेयर गर्दै अमिताभले भनेका छन् ‘मेरो प्रार्थना, मेरो प्रशंसा र धेरै माया अभिषेक । तिमीले मलाई गर्व महसुस गराउँछौँ सबैभन्दा योग्य, यति मात्र होइन अरु पनि धेरै कुराहरु छन् अतीत, वर्तमान र भविष्य…’ । सोही पोस्टमा अभिषेकले प्रतिक्रिया जनाउँदै हात जोडेको इमोजी र लाइक गरेका छन् ।

अभिषेकले २००० मा जेपी दत्तको चलचित्र रिफ्यूजीबाट बलिउडमा प्रवेश गरेका थिए । त्यसपछि २००४ मा ब्लकबस्टर चलचित्र धुममा देखिएका थिए । बन्टी र बबली, सरकार, दस द्रोणा, दोस्ताना जस्ता थुप्रै चलचित्रमा अभिषेक बच्चन मुख्य भूमिका निर्वाह गरेका थिए ।