आगोले जलेर दुई जनाको मृत्यु

अछाम । आगोले जलेर दुई जनाको मृत्यु भएको छ ।

मेल्लेख गाउँपालिका-३ दर्वा बस्ने जय बहादुर बुढा र झंकरे बुढाको गोठमा बुधबार साँझ आगलागी हुँदा झंकरे बुढाको नातिनी ६ वर्षीया निरूता बुढा र सोही ठाउँ बस्ने जगत बुढाको छोरा ३ वर्षीय अंकित बुढाको उक्त आगलागीमा जलेर मृत्यु भएको हाे ।

खेल्ने क्रममा गोठको ढोका नजिक बालेको आगोबाट गोठभित्र राखिएको खरमा आगो सल्किई आगलागी हुँदा दुवै जनाको जलेर मृत्यु भएको भन्ने खबर प्राप्त हुनासाथ ईलाका प्रहरी कार्यालय बगुडाठाँटी समेतबाट खटिएको प्रहरीले यस सम्बन्धमा आवश्यक अनुसन्धान गरिरहेको जनाएको छ ।