रोहित पौडेल र देव खनालको अर्धशतक पूरा

काठमाडौं । नेपाली टोलीका कप्तान रोहित पौडेल र नेपाली टोलीका युवा ब्याट्सम्यान देव खनालले कीर्तिपुर मैदानमा जारी क्यानडाविरुद्धको दोस्रो एकदिवसीय अन्तर्राष्ट्रिय क्रिकेटमा अर्धशतक बनाएका छन् ।

कप्तान रोहितले ६७ बलको सामना गरी तीन छक्का र चार चौकाको मद्दतले अर्धशतक पूरा गरेका हुन् भने देवले ५६ बलको सामना गरी दुई छक्का र चार चौकाको मद्दतले आफ्नो अर्धशतक पूरा गरेका हुन् । देव यू-१९ राष्ट्रिय टोलीका कप्तान पनि हुन् । कीर्तिपुर मैदानमा जारी खेलमा नेपालले केवल दुई विकेट गुमाएको छ ।