लिभरपुल फाइनलमा प्रवेश, बार्सिलोना स्तब्ध

एजेन्सी । लिभरपुल जारी ‘युइएफए’ च्याम्पियन्स लिग फुटबलको फाइलनमा प्रवेश गरेको छ । 

आफ्नो घरेलु मैदान एनफिल्डमा मंगलवार राति सम्पन्न भएको सेमिफाइनलको दोस्रो लेगको खेलमा इंग्लिस क्लब लिभरपुलले स्पेनी क्लब बार्सिलोनामाथि अविश्वसनीय पुनरागमन गर्दै अन्तिम दुईमा पुगेको हो ।

दोस्रो सेमिफाइनल खेलमा लिभरपुलले बार्सिलोनालाई ४-० गोल अन्तरले पराजित ग-यो । समग्रमा लिभरपुलले बार्सिलोनालाई ४-३ गोल अन्तरले पाखा लगायो । बार्सिलोनाविरुद्धको खेलमा फरवार्डद्वय रोबर्टो फिर्मिन्हो र मोहमद सलाहा अनुपस्थित थिए ।

लिभरपुलको जितमा डिभोक ओरिगी र जर्जिनियो वाइनाल्डमले समान २–२ गोल गरेका थिए । अब उपाधिका लागि लिभरपुलले टोट्नह्याम र अजाक्सबीचको विजेतासँग प्रतिस्पर्धा गर्नेछ ।