काठमाडौं । छुट्टाछुट्टै स्थानमा आगलागी हुँदा विभिन्न धनमाल जलेर नष्ट भएको छ ।
सुनसरीको हरिनगरा गाउँपालिका-४ नुनिया टोल बस्ने श्याम कुमार महतोको घरमा विद्युत सर्ट भई आइतबार दिउँसो आगलागी हुँदा करिब ५ लाख रूपैयाँ बराबरको धनमाल जलेर नष्ट भएको हो।
साथै उक्त आगो फैलिएर सोही ठाउँ बस्ने मुसाई महतोको घरमा समेत आगलागी हुँदा करिब २ लाख रूपैयाँ बराबरको धनमाल जलेर नष्ट भएको छ ।
त्यस्तै उदयपुरको रौतामाई गाउँपालिका-२ नौले बस्ने धन बहादुर कार्कीको घरमा सोमबार बिहान आगलागी हुँदा घर, घरभित्र रहेको किराना पसल, सुनचाँदी, अन्नपात, लत्ताकपडा, भाँडावर्तन लगायतका सरसामान जलेर करिब १० लाख रूपैयाँ बराबरको धनमाल नष्ट भएको हो छ ।
प्रहरीले स्थानीय बासिन्दाको सहयोगमा आगलागी नियन्त्रणमा लिनुको साथै यस सम्बन्धमा आवश्यक अनुसन्धान गरिरहेको छ ।
यो खबर पढेर तपाईलाई कस्तो महसुस भयो ?
प्रतिक्रिया