जुनियर कराँते आजदेखि शुरु

काठमाडौं । पाँचौ अन्तर्राष्टिय जुनियर कराँते प्रतियोगिता आज ‘शुक्रवार’देखि शुरु हुँदैछ । 

नेपाल सितोरियो कराँते संघ, ठमेल शाखा डोजोको आयोजनामा उक्त प्रतियोगिता शुरु हुन लागेको हो । 

प्रतियोगितामा नेपालबाट ४ सय, भारतबाट १ सय ८० र बंगलादेशबाट १० गरी ५ सय ९० खेलाडीहरु सहभागी हुनेछन् । प्रतियोगितामा ४० स्पर्धामा भिडन्त हुनेछ ।

दुईदिने प्रतियोगिताका खेलहरु लैनचौरस्थित राष्ट्रिय टेबलटेनिस प्रशिक्षण केन्द्रको हलमा हुनेछ । प्रतियोगिताका दौरान अन्तर्राष्ट्रिय पदक विजेतालाई सम्मान पनि गरिने आयोजकले जनाएको छ ।