अमेरिकाको म्यागजिन ‘टाइम’मा मोदीको आवरण कथा

काठमाडौं । अमेरिकाबाट प्रकाशित हुने चर्चित म्यागजिन ‘टाइम’ले आफ्नो नयाँ अंकमा भारतका प्रधानमन्त्री नरेन्द्र मोदीमाथि आवरण कथा गरेको छ । 

म्यागजिनको आवरणमा नरेन्द्र मोदीको पेन्टिङ तस्वीर छ जसको छेउमा लेखिएको छ ,‘भारतका विभाजनकारी प्रधानमन्त्री’ । 

टाइम म्यागजिनले आवरण पृष्ठलाई ट्वीट गर्दै लेखेको छ ,‘टाइमको नयाँ अन्तर्राष्ट्रिय आवरणः के संसारको सबैभन्दा ठूलो लोकतन्त्रले मोदीको सरकारलाई आगामी पाँच वर्षसम्म थप झेल्न सक्ला ?’

म्यागजिन २० मेमा बजारमा आउनेछ । भारतमा मे १९ मा लोकसभा निर्वाचन अन्तर्गतको अन्तिम चरणको निर्वाचन हुनेछ । निर्वाचनको अन्तिम परिणाम मे २३ मा बाहिरिनेछ ।