काठमाडौं । भिमफेदी गाउँपालिका–२ भैँसेबाट अवैध लागुऔषध चरेस ४५ किलो र बगाँजा करिब ५ किलोसहित ३ जना पक्राउ परेका छन्।
थाहा नगरपालिका–८ आग्रा बस्ने ३० वर्षीय बिमल स्याङतान, कैलाश गाउँपालिका–१ खोलाखर्क बस्ने ५२ वर्षीय चन्द्र बहादुर घलान र भिमफेदी गाउँपालिका–१ किटनी बस्ने ३२ वर्षीय नवराज तामाङ चरेस ओसारपसारमा संलग्न रहेको प्रहरीले जनाएको छ।
त्यसैगरी ३२ किलो गाँजा बोकेर बिक्री गर्न हिँडिरहेका बारा, सिम्रौनगढ नगरपालिका–४ गंगानगरबाट अवैध लागुऔषध गाँजा करिब १५
किलोसहित रौतहट फतुवा विजयपुर नगरपालिका–३ बस्ने ५० वर्षीय रामानन्द साह समेत ३ जना पनि प्रहरी नियन्त्रणमा परेका छन्।धादिङ, गल्छी गाउँपालिका–७ सिमबजारबाट अवैध लागुऔषध गाँजा करिब १०किलोसहित २ जना पनि पक्राउ परेका छन्।
सोलामोदिन शेक र राम्जन आली पक्राउ परेका हुन्। सर्लाही, लालबन्दी नगरपालिका–१ लखनदेही पुलस्थित सडकबाट ७ किलो बोकेर हिँडिरहेका भारतका छोटु पासवान पनि प्रहरीको नियन्त्रणमा परेका छन्।
यो खबर पढेर तपाईलाई कस्तो महसुस भयो ?
प्रतिक्रिया