उपहार गोलमा बार्सिलोनाको सहज जित

एजेन्सी । स्पेनिस ला लिगा फुटबल बार्सिलोना विजयी भएको छ ।

आफ्नो घरेलु मैदान क्याम्प नाउमा आइतवार राति भएको खेलमा बार्सिलोनाले गेटाफेलाई २-० गोल अन्तरले पराजित गरेको हो । घरेलु मैदानमा बार्सिलोनाका लागि खेलको ३९ औँ मिनेटमा अर्टुरो भिडालले पहिलो गोल गर्दै क्लबलाई शुरुवाती अग्रता दिलाए ।

 दोस्रो गोल भने बार्सिलोनाले उपहार स्वरुप पाएको थियो । गेटाफेका डिज्ने डकोनामले आत्मघाती गोल गरेपछि बार्सिलोनाले सहज जीत निकालेको हो । यो जितवपछि यसअघि नै लिगको च्याम्पियन बनिसकेको बार्सिलोनाले ३७ खेलबाट ८६ अंक बनाएको छ ।