बास्केटबल लिगमा आर्मीको पाँचौ जित

काठमाडौं । त्रिभुवन आर्मी क्लबले क्विक्स नेपाल बास्केटबल लिगमा पाँचौ जित निकालेको छ । 

सोमवार भएको खेलमा आर्मी क्लबले साउथ साईडर्स क्लबलाई ९२-५१ स्कोरले पराजित गर्दै पाँचौ जित हात पारेको हो । आर्मीलाई जित दिलाउन आयुस सिंहले उत्कृष्ट प्रर्दशन गरेका थिए ।

उनी खेलमा प्लेयर अफ दी म्याच समेत चुनिए । यो जितपछि आर्मीले ७ खेलबाट १२ अंक जोडेको छ । प्ले फर डिप्राइभ्ड चिल्ड्रेन नेपाल को आयोजनामा भएको यो प्रतियोगिताको विजेताले २ लाख रुपैयाँ प्राप्त गर्नेछ ।