काठमाडौं । नेपाल पर्यटन बोर्डले चिनियाँ दूतावास, लुम्बिनी विकास कोष र नेपाल ओलम्पिक शान्ति समितिसँगको सहकार्यमा लुम्बिनी अन्तर्राष्ट्रिय शान्ति महोत्सव आयोजना गर्ने भएको छ ।
शुक्रबार बोर्डले पत्रकार सम्मेलनको आयोजना गरी लुम्बिनीमा आगामी चैत २३ र २४ मा लुम्बिनी अन्तर्राष्ट्रिय महोत्सव आयोजना गर्न लागिएको जानकारी दिइयो ।
आयोजकका अनुसार कार्यक्रममा शान्ति म्याराथन, शान्ति कन्सर्ट र अन्तर्राष्ट्रिय ध्यान दिवस गरिने छ । कार्यक्रमले नेपाल र चीनबिचको सम्बन्धलाई अझ प्रगाढ बनाउने अपेक्षा राखिएको छ ।
विज्ञप्तिमा लेखिएको छ, ‘लुम्बिनी अन्तर्राष्ट्रिय शान्ति म्याराथन, लुम्बिनी अन्तर्राष्ट्रिय ध्यान दिवस र लुम्बिनी शान्ति कन्सर्ट गरी तीनवटा प्रमुख कार्यक्रमहरू मिलाएर यस्तो कार्यक्रम आयोजना गरिएको छ ।
लुम्बिनीलाई ‘विश्व शान्ति र सांस्कृतिक पर्यटन गन्तव्य’ को रूपमा विश्वव्यापी रूपमा प्रवर्द्धन गर्न कार्यक्रम केन्द्रित छ । कार्यक्रमले नेपाल र चीनबीचको सम्बन्धलाई अझ प्रगाढ बनाउने अपेक्षा गरिएको छ ।’
कार्यक्रममा विश्व प्रख्यात गायिका आनी छोयिङ डोल्मा, चिनजानका चिनियाँ गायक तथा संगीतकार तथा लुम्बिनीका परम्परागत संगीतकारहरुको प्रस्तुती रहनेछ ।
आयोजकका अनुसार अन्तर्राष्ट्रिय राष्ट्रिय म्याराथन धावक, चिनियाँ प्रतिनिधि, कूटनीतिज्ञ, कलाकार, गायक, प्रदेश तथा राष्ट्रिय सरकारका पदाधिकारी, पर्यटन व्यवसायीको सहभागिता रहनेछ ।
यो खबर पढेर तपाईलाई कस्तो महसुस भयो ?
प्रतिक्रिया