रोहित आवद्ध क्लब पर्सिजा सिमार्गसँग पराजित

काठमाडौं । नेपाली राष्ट्रिय टोलीका मिडफिल्डर रोहित चन्द आवद्ध क्लब पर्सिजा पराजित भएको छ । 

लिग वान अन्तर्गत आइतवार भएको खेलमा पर्सिजा क्लब  पिएसआइएस सिमार्गसँग २–१ गोल अन्तरले पराजित भएको हो । खेलको ३७ औँ मिनेटमा पर्सिजाका लागि आर प्राबोओले पहिलो गोल गर्दै क्लबलाई शुरुवाती अग्रता दिलाएका थिए ।

खेलको ७५ औँ मिनेटमा सिमार्गका लागि एच युलियान्टोले गोल गर्दै खेललाई एक-एक गोलको बराबरीमा ल्याए । त्यस्तै ७७ औँ मिनेटमा उनले नै पुनः दोस्रो गोल गरे । त्यसपछि खेलमा थप गोल भएन र खेल सिमार्गले २-१ गोल  अन्तरले जित्यो ।