काठमाडौं । उमेश पटवाल नेपालको क्रिकेट प्रशिक्षकमा नियुक्त भएका छन् ।
अन्तराष्ट्रिय क्रिकेट काउन्सिल ‘आईसीसी’ मार्फत राष्ट्रिय खेलकुद परिषद्ले पटवाललाई प्रशिक्षकमा नियुक्त गरेको हो । पटवालले मासिक ७ हजार डलर पारिश्रमिक पाउनेछन् । उक्त पारिश्रमिक रकम भने आईसीसीले दिनेछ ।
सन् २०१० मा अफगानिस्तान टिमको ब्याटिङ सहयोगी रहेका पटवाल सन् २०१४ को एशिया कप, टी–२० विश्वकप र २०१५ को विश्वकपमा ब्याटिङ प्रशिक्षक थिए ।
४६ वर्षिय उनी गत माघमा नेपाली क्रिकेट टिमले युएईमा एकदिवसीय र टी-२० सिरिज खेल्दा ब्याटिङ कन्सल्ट्यान्टका रुपमा रहेका थिए । यसअघि उनले पोखरा प्रिमियर लिगमा निर्देशकका रुपमा तथा एभरेस्ट प्रिमियर लिगमा विराटनगर वारियर्सको प्रशिक्षकका रुपमा काम गरेका थिए ।
यो खबर पढेर तपाईलाई कस्तो महसुस भयो ?
प्रतिक्रिया