एसीसी कप : अपराजित रहँदै नेपाल सेमिफाइनलमा

काठमाडौं । एसीसी प्रिमियर कपअन्तर्गत समूह चरणको अन्तिम खेलमा नेपालले जित हात पारेको छ । साउदी अरबले दिएको ७४ रन पच्छ्याएको नेपालले ७.२ ओभरमा ४ विकेट गुमाउदै लक्ष्य पूरा गरेको हो ।

नेपालका लागि गुलशन झा १९ बलमा ३२ रन जोड्दै नट आउट रहे । त्यस्तै, कप्तान रोहित पौडेल ७ बलमा १६ रनमा नट आउट रहे ।

ओपनर कुशल भुर्तेल शुन्य तथा आसिफ शेख र कुशल मल्ल २-२ रनमा आउट भए ।

अल अमेरत क्रिकेट ग्राउन्डमा साविक विजेता नेपालले टस जितेर पहिला फिल्डिङ रोजेको थियो । नेपाल र साउदी अरबबीचको खेल ८ ओभरको खेलाइएको छ । गए राति ओमानमा वर्षा भएका कारण मैदान तयार नभएपछि खेल निर्धारित समयमा सुरु हुन सकेको थिएन जसका कारण खेललाई ८ ओभरमा घटाइएको थियो ।

नेपाल समूह ए बाट ३ खेलमा ६ अंकका साथ विजेता बन्दै यसअघि नै सेमिफाइनलमा पुगिसकेको थियाे ।