काठमाडौं । छुटुटाछुट्टै स्थानमा तीनजना मृत अवस्थामा फेला परेका छन् ।
मनाङको नासो गाउँपालिका-७ सामुदायिक चौरी गोठमा चौरी हेरचाह गरी बस्ने हाल पहिचान नखुलेका अन्दाजी ६५ वर्षीय पुरूष बिहीबार मृत अवस्थामा फेला परेका छन् ।
त्यस्तै गोरखाको आरूघाट गाउँपालिका-३ स्वारा गाँउ बस्ने ४२ वर्षीय अमर बहादुर आले सोही ठाउँ कुईरे फाँटस्थित बुढीगण्डकी नदीको किनारमा बिहीबार मृत अवस्थामा फेला परेका छन् ।
त्यसैगरी कपिलवस्तुको बुद्धभुमी नगरपालिका-२ गोरुसिंगेस्थित तिलौराकोट साझेदारी वन नजिक सडकको कलभर्ट मुनी हाल पहिचान नखुलेकी अन्दाजी ४५ वर्षीया महिला बिहीबार मृत अवस्थामा फेला परेकी छिन् । यस सम्बन्धमा प्रहरीले आवश्यक अनुसन्धान गरिरहेको जनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया