अवैध लागुऔषधसहित एकजना पक्राउ

महोत्तरी । महोत्तरीबाट अवैध लागुऔषध गाँजासहित एकजना पक्राउ परेका छन् ।

औरही नगरपालिका–८ टिम्कियाबाट अवैध लागुऔषध गाँजा १ सय ७ किलो ४ सय ८५ ग्रामसहित एकजना पक्राउ परेका हुन् । पक्राउ पर्नेमा सर्लाही पर्सा गाउँपालिका–१ बस्ने २१ वर्षीय चन्दन यादव रहेका छन् ।

जिल्ला प्रहरी कार्यालयबाट खटिएको प्रहरी टोलीले बीआर ३० एएच २३८८ नम्बरको गाडीलाई जाँच गर्ने क्रममा डिकीमा लुकाई छिपाई राखेको उक्त परिमाणको गाँजासहित चालक चन्दनलाई आइतबार राति पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।