सवारी दुर्घटनामा एक जनाको मृत्यु

मोरङ । मोरङमा सवारी दुर्घटना हुँदा एक जनाको मृत्यु भएको छ ।

ग्रामथान गाउँपालिका–५ तेतरिया चोकस्थित सडक छेउमा रोकी राखेको ना.५ ख ७०७९ नम्बरको टिपरमा को.१ ब १३८४ नम्बरको मोटरसाइकल ठक्कर खाई दुर्घटना हुँदा मोटरसाइकल चालकको मृत्यु भएको हो । मृत्यु हुनेमा बिराटनगर महानगरपालिका–१ बस्ने ३५ वर्षीय महमद मुख्तार खाँ रहेका छन्
।
दुर्घटनामा गम्भीर घाइते भएका उनको आर्या न्यूरो अस्पताल बिराटनगरमा उपचारको क्रममा आइतबार राति मृत्यु भएको हो ।
प्रहरीले टिपर चालकलाई नियन्त्रणमा लिई दुर्घटनाका सम्बन्धमा थप अनुसन्धान गरिरहेको छ ।