स्रोत नखुलेको रकम सहित एकजना पक्राउ

काठमाडौं । स्रोत नखुलेको रकम सहित एकजना पक्राउ परेका छन् । पक्राउ पर्नेमा रौतहट ईशनाथ नगरपालिका– ५ बस्ने ३१ वर्षीय सन्तोष कुमार साह रहेका छन् ।

प्रहरी चौकी मठिया महुलिया रौतहटबाट खटिएको प्रहरी टोलीले ईशनाथ नगरपालिका–४ लतमरी स्थित सडक खण्डबाट साहलाई आइतबार पक्राउ गरेको हो ।

भारतबाट नेपालतर्फ आउँदै गरेको भारतिय नम्बर प्लेटको बिआर०५एएन८११७ नं।को मोटरसाईकललाई प्रहरीले चेकजाँच गर्ने क्रममा साहको साथबाट नेपाली रुपैयाँ २,००,९६० र ७६५ भारतिय रुपैयाँ सहित प्रकाउ गरेको हो ।

पक्राउ पश्चात मोटरसाईकलसमेत नियन्त्रणमा लिई आवश्यक कारवाहीको लागी गौर भन्सार कार्यालयमा पठाएको प्रहरीले जनाएको छ ।