सवारी दुर्घटना हुँदा दुई जनाको मृत्यु

काठमाडौं । झापामा सवारी दुर्घटना हुँदा दुई जनाको मृत्यु भएको छ ।

मेचिनगर नगरपालिका–१२ माथिल्लो धाईजनस्थित सडक छेउमा रोकि राखेको को.१ च ७२६४ नम्बरको बोलेरो पिकअपमा मे.७ प ७२८३ नम्बरको स्कुटर ठक्कर खाई दुर्घटना हुँदा स्कुटमा सवार दुई जनाको मृत्यु भएको छ ।

मृत्यु हुनेमा बुद्धशान्ति गाउँपालिका–५ बस्ने २५ वर्षीय लिला प्रसाद ढुङगेल र सोही स्कुटरमा सवार इलाम रोङ गाउँपालिका–५ घर भएका २९ वर्षीय चेतन रिजाल रहेका छन्।

दुर्घटनामा गम्भीर घाइते भएका उनीहरूको बिएण्डसि अस्पताल बिर्तामोडमा उपचारको क्रममा बुधबार राति मृत्यु भएको हो ।

प्रहरीले हाल फरार बोलेरो चालकको खोजी गर्नुको साथै दुर्घटनाका सम्बन्धमा थप अनुसन्धान गरिरहेको छ ।