जुवातास खेलिरहेको अवस्थामा ९ जना पक्राउ

काठमाडौं । झापामा जुवातास खेलिरहेको अवस्थामा ९ जना पक्राउ परेका छन् ।

शिवसताक्षी नगरपालिका–९ दुधेस्थित घरबाट जुवातास खेलिरहेको अवस्थामा ९ जना पक्राउ परेका हुन् । पक्राउ पर्नेमा सोही नगरपालिका–११ बस्ने दिलिप तामाङसहित ९ जना रहेका छन् ।

इलाका प्रहरी कार्यालय झिलझिलेबाट खटिएको प्रहरी टोलीले उनीहरूलाई नगद ६२ हजार ७ सय ७० रूपैयाँ र ३ बुक ताससहित मंगलबार राति पक्राउ गरेको हो ।

यस सम्बन्धमा प्रहरीले आवश्यक अनुसन्धान गरिरहेको छ ।