भरूवा बन्दुकसहित २ जना पक्राउ

काठमाडौं । मुगु र खोटाङबाट भरूवा बन्दुकसहित २ जना पक्राउ परेका छन् ।

मुगुको छाँयानाथ रारा नगरपालिका–१४ लुम खोलाबाट भरूवा बन्दुक १ थानसहित एकजना पक्राउ परेका छन् । सोही नगरपालिका–१४ बाम गाउँ बस्ने ५३ वर्षीय धन बहादुर बडुवाललाई बिहीबार दिउँसो प्रहरीले पक्राउ गरेको हो । जिल्ला प्रहरी कार्यालय मुगुबाट खटिएको प्रहरी टोलीले उनलाई पक्राउ गरेको हो ।

यसैगरी खोटाङको रावाबेशी गाउँपालिका–६ राईसिंहे बस्ने ४५ वर्षीय दिल बहादुर राईलाई भरूवा बन्दुक १ थान र सोही बन्दुकमा प्रयोग हुने छर्रासहित बिहीबार दिउँसो प्रहरीले पक्राउ गरेको हो । प्रहरी चौकी जाल्पाबाट खटिएको प्रहरी टोलीले उनको गोठ तलासी गर्दा लुकाई छिपाई राखेको अवस्थामा बन्दुक फेला पारी पक्राउ गरेको हो ।

यस सम्बन्धमा प्रहरीले आवश्यक अनुसन्धान गरिरहेको छ ।